葡萄牙知識 - 星星山係未好多星星？

星星山？一聽到個名你哋係咪以為係一座可以睇到好多星星嘅山呢？

埃什特雷拉山脈（Serra da Estrela），Estrela 中文解星星；而Serra解山脈，所以佢嘅別名咪叫星星山囉~

不過咁，喺星星山睇星星又唔係唔得嘅，只係佢其實唔只咁簡單啫，因為佢有好多出名嘅地方：

第一，佢係葡國大陸境內最高嘅山；

第二，佢係葡國面積最大嘅國家公園，亦都係歐洲其中一個優質嘅生態保護區；

第三，佢係葡國唯一一個冬天會落雪同埋有滑雪場嘅地區，

所以好多葡國人聖誕假想近近地去個旅行仔就會揸車上山滑個靚雪，真係諗起都開心啊！

而且星星山最近仲公布咗個好消息添，喺上年2019年9月埃斯特雷拉山脈（Serra da Estrela）被正式確認為聯合國教科文組織世界地質公園（Geopark Mundial da UNESCO），成為國際公認嘅地質公園。係今後四年，葡國政府會促進更多科學知識教育、做好地質保護工作同埋重視該區旅遊業發展，希望將星星山嘅定位喺國家同埋國際層面上做得更好。

如果中意大自然，又想影好多靚相嘅你，記得將星星山放入你哋嘅旅行清單入面啦！