葡萄牙小知識 - 葡撻始祖究竟係邊個？

澳門葡撻大家就食得多啦，但唔知大家有無諗過葡撻係邊個同喺邊到發明？又點解澳門有葡撻賣？今日，等我哋一齊一探究竟！

葡撻其實黎自葡萄牙里斯本哲羅姆派修道院 (Mosteiro dos Jerónimos)。係19世紀，葡國修女流行以蛋白漿為衣物上漿，用完經常剩下大量蛋黃，為免浪費，就加入奶油、糖同麵粉來研製出葡撻。

1820年葡萄牙爆發自由革命 (Revolução Liberal)，大量修道院倒閉，修女們就開始賣葡撻黎維持生計啦。

係1837年就將呢條葡撻配方賣咗比修道院旁嘅甘蔗煉油廠，工廠商人出售葡撻後反應極好，因而開了葡撻始祖店：Pastéis de Belém，呢間葡撻店至今仍沿用當時修女們嘅葡撻配方。(這是一個秘密配方哦！)

P.s. 呢間葡撻店出產嘅葡撻葡文叫 pastel de Belém，但其餘喺葡國買到嘅葡撻會叫 pastel de nata。

咁又點解澳門又有葡撻賣？

係1989年，曾係葡萄牙酒店做廚師嘅英國人Andrew Stow將葡撻帶到澳門，並將配方改用成英式奶黃，減少了用糖份量。Andrew係澳門認識太太瑪嘉烈後，係澳門路環開了第一間葡撻店「安德魯餅店」，成為了澳門葡撻出生地。

後來佢地離婚，瑪嘉烈就帶着安德魯的配方離開並加以改良，另開了「瑪嘉烈蛋撻店」。
其後為擴展業務，更在1998年把配方賣給了香港KFC，自此香港KFC就開始賣埋葡撻啦。

各位想練習葡文嘅同學可以睇睇 Pastéis de Belém呢間葡撻店嘅歷史呀！有字幕！

查詢及詳情

電話：+853 6577 6477

地址：

黑沙環本校：澳門黑沙環蓮峰街南方花園十四座地下D

北京街分校：澳門新口岸北京街廣發商業中心6/F

葡萄牙語留位表格：

WeChat 公眾號：PortuGet 明橋葡語