葡萄牙文化知識 - 里斯本人嘅花名？

唔知大家知唔知里斯本人其實係有個花名呢？

如果有人問你，里斯本人嘅葡文點講呀？識小小葡文嘅你係咪會答佢“lisboetas”(里斯本人) 呢？

今日同大家分享下，除咗“lisboetas”之外，其實里斯本人仲有個花名叫“alfacinhas”架，alface, alfacinhas係生菜嘅意思，咁到底點解會叫佢地做生菜呢？我地即刻一齊黎睇下啦～

Alfacinhas呢一個字最早係源於十九世紀，當時係“Viagens na Minha Terra” 《家鄉遊記》呢一本書裡面，作者Almeida Garrett 阿爾梅達·加勒特係書中提出咗alfacinhas呢一個字，咁關於點解咁樣去形容lisboetas就有好多唔同嘅講法，我地今日就分享下以下兩種講法啦~

有人話當阿拉伯人係十九世紀佔領葡萄牙嘅時候，佢地好中意係葡國嘅山丘上面種植生菜，而生菜嘅阿拉伯語係“al-hassa”，係葡萄牙語裡面就變成“alface”，所以，就會稱佢地為“alfacinhas”啦。
而較普遍嘅講法就係話里斯本人好似生菜咁，種咗係個地下到就唔郁，意思就係佢地出生係里斯本呢個繁榮嘅城市，自此就唔中意去其他地方，只想留反係自己嘅城市Lisboa。