葡萄牙文化知識 - 葡西文

葡萄牙文同西班牙文的確係好相似，喺大多數情況下，只要識講葡文就會對學講西班牙文有幫助，反之亦然。

但係如果兩個人傾偈嘅時候，一個只係識講葡文，而另一個就係識講西班牙文，咁佢哋講嘢嘅時候，可能就會用自己嘅母語語言邏輯（葡文/西文）再混合一啲對方語言嘅生字落去，就係咁，葡西文呢個咁特別嘅講嘢方法就誕生啦！

葡西文我哋會叫portunhol（葡文寫法）或者portuñol（西班牙文寫法 ），佢其實唔係一種真正嘅語言，佢只係一種葡西混合文，就好似新加坡式英文（Singlish），廣式普通話咁，都係用外語詞彙加上混合語法之後，再用母語嘅語氣同語調講出嚟嘅一種語言形式。