葡萄牙小知識 - 學術週

雖然葡國嘅大學6月先結束學期，但對葡國嘅應屆大學畢業生黎講5月係佢哋提前狂歡嘅日子！大學會將5月其中一個星期訂為學術週（Semana Académica） ，喺戈個星期入面會舉行一連串嘅學生活動去標誌最後一個大學學期。不過學術週嘅日期同活動都會因地區而有所變化。喺學術週期間，其中一個最出名嘅活動一定係位於科英布拉（Coimbra）嘅燒帶節（Queima das Fitas）。

呢個傳統活動係由葡國一個大學城市-科英布拉（Coimbra）流傳落黎。喺十九世紀末嘅時候有一班法律系四年級學生將佢哋放係講義夾上嘅絲帶化為灰燼黎慶祝大學生涯結束。從此，葡國各個地區嘅大學都用呢個儀式作為慶祝大學生活終結嘅一種象徵方式。不過依家燒絲帶嘅環節大多演變成拎住絲帶係銅爐上象徵式地搖兩下就當完成，並唔會真係燒咗佢架！而且每間大學每個學系都有屬於自己嘅顏色，所以喺學術週嘅街頭上大家會見到每個學生都拎住唔同顏色嘅絲帶。