葡萄牙文化知識 - 學完葡文就識西班牙文？-上

成日都聽到人講西班牙文同葡文好似，似到有啲字係一樣寫法，咁究竟呢兩個語言有咩分別？係咪只係將啲字嘅讀音改少少就變成另一種語言？

其實成件事又唔係咁簡單嘅，葡文有啲語法或者動詞時態，例如：有人稱不定式(infinitivo pessoal)、簡單先過時(mais-que-perfeito simples)都係葡萄牙文獨有，喺西班牙文同其他拉丁語系語言係唔存在嘅。

而且葡文係比西班牙文更接近拉丁文，好多葡文字都保留咗原本拉丁文嘅發音、詞形同語法，但西班牙文就同拉丁文差別好大。例如，「兒子」呢個詞，拉丁文係filium，葡文係filho，發音基本一樣，但西班牙文就演變爲hijo，讀音完全唔同。所以其實佢哋兩個都有分別架。